خصلة شعرالجميلة الصغيرة والدب المسحور
كان يا ما كان ولا يحلالكلام الا بذكر النبي عليه افضل الصلاه والسلام
كان في بنت اسمها شفا ودى يا اصحابي الصغننين قصتها هتلاقوها مكتوبه وكمان فيديو على قناتنا باليوتيوب كتاكيت عالم الاطفال وفي حواديت كتير جداااا
يا شفا ياشفا يا حبيبة ماما
شفا/ ايوه يا ماما يا حبيبتى جايلك اهو
شفا/ نعم يا ماما
الام/ معلش يا شفا ياحبيبتى تعبتك انتى واخواتك بس انا قربت ابقي كويسه
شفا/ لا يا ماما استريحي انتى ياحبيبتي انتى تعبتى اوى الايام اللى فاتت وجه الوقت عشان نساعدك وان شاء الله ياماما هتبقى كويسه بس استريحي
الام/ ربنا يخليكم ليا يا بناتي يا حبايبي واشوفكم اسعد الناس بصي ياشفا عايزكي ياحبيبتى تروحي للسوق عشان تشتري خضار وفاكهة ومتزوديشى فى الحاجات عشان دى اخر فلوس معانا ياحبيبتى في البيت و متتأخريش عن الساعه ٦ عشان الدنيا مضلمش عليكى.
شفا/ حاضر يا ماما ياحبيبتي هرو وهرجع ان شاء الله بسرعه
وخرجت شفا من البيت للسوق واشتريت كل الطلبات بسرعة.
يااااا انا اتأخرت جداً، انا همشي اسهل من الطريق ده عشان ممكن يكون اسرع و اوصل بسرعه.
بس للأسف تاهت شفا واتفاجأت انها واقفه وسط غابة كبيرة، وبقت تجري وسط الغابة لما حست انها تاهت وفجأة، وقف قدامها دب كبير جدا،
صرخت شفا من شدة الخوف من الدب ( ايه ده ياماما يا ماما الحقوني حد يلحقنى الدب هياكلني.
الدب: ماتخافيش ماتخافيش انا مش هأذيكي، أنا بس محتاج مساعدتك.
شفا : عاوز ايه مني؟
الدب: ممكن أعرف اسمك ايه؟
شفا: انا اسمي شفا.
الدب: اسمك جميل جداً ، عندك اخوات تانين؟
شفا: أيوه عندى
الدب: لولي و روزى ..صح؟
شفا: ايه ده انت عرفت ازاي، وعاوز مني ايه ومال صوتك رفيع كدا و غريب كدا ليه؟
الدب: اخواتك لولي وروزى عندي، هما كانوا بيدوروا عليكي ولما مالقوكيش دخلوا يدوروا عليكي في الغابة، وانا لاقيتهم واخدتهم عندي، ولو عاوزه تشوفيهم تعالي معايا وبالنسبه لصوتي مش اختصاصك وملكيش في.
و مشيت شفا مع الدب جوا الغابة وهي خايفه ووصلوا لبيت الدب ، و شافت اخواتها لولي وروزى.
شفا: الحمدلله يارب اخواتي لولي و روزى بخير
شفا: انت عاوز مننا ايه يا دب انت مالك بينا؟
الدب: عاوز تلات خصلات من شعركم انتوا التلاته.
شفا: ٣ خصلا من شعر كل واحده فينا ليه هتعمل بيهم ايه؟
الدب: ده مش اختصاصك، عاوز الخصلات بسرعه ومن غير كلام.
قصت الثلاث بنات ثلاث خصلات من شعرهم.
الدب: مطلوب من كل واحده فيكم دلوقتي تحط كل خصلة من الخصلات الثلاثة في الثلاث جبال الشمالي والشرقي والجنوبي في سبعة أيام وممنوع انكم تتاخروا عن السبع أيام.
شفا: وازاي هتتأكد اني روحت للثلاث جبال.
الدب: حياة اخواتك بين ايدي.
شفا: حاضر هروح بس بشرط توعدني انك تحافظ على اخواتي وتسيبهم بعد 7 أيام مهما حصل.
روزى: أنا اللي هروح.
شفا: لا انتوا لازم ترجعوا لماما عشان ناخدوا بالكم منها، أنا الكبيرة وهتصرف.
روزى: خلاص نكتب اسمائنا في ورق ونحطها في جرة والدب هو اللي يختار.
وفعلا الدب اختار ورقه وطلع فيها اسم لولي الاخت الصغيره،
صرخت شفا وقالت: لألأ، لولي صغيرة ومش هتقدر تروح ولا هتعرف تتصرف، أنا اللي هروح لان انا اللي غلطت لما دخلت الغابة.
مشيت شفا وسابت اخواتها، و وصلت للجبل الاول خلال 3 ايام وحطت الخصلة الاولى، وهناك بدأت تحس بالتعب وقالت لنفسها.
شفا انا تعبت اوى ومش قادره اكمل خالص والموضوع ده هياخد اكتر من 7 ايام، بس انا لازم اتحرك بسرعه عشان اخواتي.
و استمرت شفا في الجري عشان توصل للجبلين التانين في الميعاد وفعلا قدرت انها توصل للتلات جبال قبل السبع ايام مايخلصوا.
ورجعت تاني للحديقه اللي فيها اخواتها مع الدب، بس هناك لاقت الصدمة اللي ماكنتش متوقعاها
شفا: ايه ده الكوخ اللي فيه اخواتي والدب فاضي، يالولى يا روزى روحتوا فين انا لازم اجرى بسرعه واروح البيت عشان ماما تساعدنى ونقدر نلاقي اخواتى.
ورجعت شفا جري لبيتها وهناك لاقت خيول ملكية وحراس كتير قدام البيت، دخلت شفا بسرعه لاقت مامتها واخواتها، راحت عليهم وسألتهم عن اللي حصل
فقالت لولي: احنا كويسين، مش هتصدقي اللي حصل، الدب طلع هو الاميرة لي لي اللي كانت مختفيه، والملك دلوقتي طلبنا في قصره.
راحت الثلاث اخوات للقصر، وهناك دخلت الاميرة لي لي و شكرتهم جدا ؛
شفا: ممكن أعرف ايه اللي كان حصلك؟
الاميرة لي لي: لما كنت بتتوج عشان اكون اميرة المدينة، الساحرة الشريرة القيت عليا تعويذه انتقاماً من الملك والدي، وكان لازم عشان يتفك السحر ده 3 خصلات من 3 بنات اخوات وعشان وبابا واخواتي زعلوا عليا لما اتحولت لدب، قررت اني اسيب القصر لحد ما اقدر أحل المشكلة دي، هناك لاقيت لولي وروزى وهما بيتكلموا عنك وفهمت انكم 3 اخوات بنات وهو ده اللي كنت بدور عليه.
الملك: دينك ده مستحيل انساه ياشفا ولازم اوفيه، وعشان كده ليكى مني قصر هديه انتى واخواتك و هتكفل بكل مصاريف دراستكم وكل اللى تحتاجوه هيكون عندكوا فى الحال.
الاميره لي لي: وانا هديتي ليكم لبس جديد ومجوهرات.
شفا: شكرا جدااااا يا جلاله الملك وشكرا ليكى يا اميره لي لي
تنبيه هام
جميع الحقوق محفوظة لقناة كتاكيت عالم الاطفال ولانسمح بأستخدام القصص غير القرأة فقط
قناتنا على اليوتيوب كتاكيت عالم الاطفال
تعليقات