شفا أول يوم رمضان هتجمعنا سفره واحده
في يوم من الأيام.كان فاضل علي رمضان أسابيع 😍 صحي يونس من النوم و هو مقرر انه النهارده مش هينام بدري كالعادة.
و انه هيسهر و يستني لما باباه يرجع من الشغل بليل😴. علشان عايز يطلب منه طلب. و بالفعل لما رجع باباه بليل متأخر من الشغل.
استقبله يونس و قاله: بابا... هو حضرتك بتاخد فلوس قد ايه من شغلك دة. فاستغرب الأب من السؤال و قاله. ليه يا حبيبي بتسأل السؤال دة🤔. قاله يونس طيب بتكسب فلوس كام في اليوم الواحد. رد الأب باستغراب: قول تقريباً ٢٠٠ جنية.. ليه؟ فرد طيب ممكن يا بابا تزود لي مصروفي شوية. فساعتها فهم الأب انه كان بيسأل علشان كدة.
فهز راسه و قاله: حاضر يا حبيبي.❤ دخل الأب اوضته و هو بيفكر يا تري يونس هيعمل ايه بمصروفه. يمكن يكون نفسه في لعبة جديدة يشتريها و بيحوش علشان يجيبها. علي العموم انا هزود مصروفه و اديلوا اللي هو عايزه انا بتعب و اشتغل و بعمل كل دة علشان اشوف ولادي مبسوطين و مش ناقصهم حاجة.
و في يوم سمع يونس في التليفزيون انهم خلاص شافوا هلال رمضان🌃 و أن من بكرة هيبدأ الصيام ففرح جداً و استني لما باباه رجع من الشغل. و أخد الحصالة بتاعته و راح لباباه و قاله: بابا.. انا حوشت مصروفي والحصالة بتاعتي فيها دلوقتي ٢٠٥جنية😊.
ممكن تاخدهم و متروحش بكرة الشغل علشان انت بترجع من الشغل بعد المغرب دايماً 😥و أنا نفسي تفطر معانا حتي و لو اول يوم في رمضان بس. اندهش الأب جداً و أخد يونس في حضنه. ياااه يا حبيبي. انت طلبت مني ازود المصروف بتاعك علشان كدة🤔
انا بحبك اوي يا يونس و عندي بقي خبر مفاجأة ليك. فرح جداً يونس و سأله: قول يا بابا. قاله باباه بص يا سيدي: انت عارف الظروف اللي بتمر بيها بلدنا الأيام دي😔 و الفيروس المنتشر فيها. رد يونس: أيوة يا بابا عارف طبعاً. كمل باباه كلامه و قال: صاحب الشركة اللي بشتغل فيها قرر يقلل عدد ساعات العمل🙄.
يعني هرجع كل يوم في رمضان قبل المغرب ان شاءالله😊. و هفطر معاكم كل يوم. فرح جداً يونس و بقي طاير من الفرحة و فضل يحضن في باباه😘😘 و قاله بجد يا بابا انا مش مصدق. دة اول رمضان تفطر معانا و تقعد معانا علي سفرة الفطار.
كل سنة كان غصب عنك بتضطر تفطر في الشغل و انا وماما و اختي نفطر لوحدنا😢😢. الحمدلله علي كل حال. كل سنة و انت طيب يا احلي بابا. ضحك باباه و قاله: قولي بقي دلوقتي هتعمل ايه بالفلوس اللي في الحصالة☺️. وقف يونس كدة فجأة و فكر. و بسرعة رد و قال: هديهم لماما علشان تعملنا بكرة احلي فطار. و تعملنا كل اصناف الاكل اللي احنا بنحبها😍
تنبيه هام
جميع الحقوق محفوظة لقناة كتاكيت عالم الاطفال ولانسمح بأستخدام القصص غير القرأة فقط
تعليقات