حواديت اطفال| حدوتة الفار لص الشربات فى مزرعة جدو على | قناة كتاكيت عالم الاطفال ( حواديت)

 الفار بندق فى مزرعة جدو على

جدو (علي) عالم نباتات وعنده مزرعه وكان بيحب الزرع وحيوانات مزرعته جدا ، قرر جدو جرجير أن يجهيز مزرعته الجميله الكبيرة عشان حفيدته خوخه ومشمشه ، هيخدوا اجازة نص السنة بعد اسبوعين وهيقضوا الاجازة كلها معاه وهو كان فرحان جدا وكان بيتكلم مع كل الحيوانات ويقولهم انا مبسوط وفرحان  جدا عشان خوخه ومشمشه اخيرا هيقضوا الاجازه معانا فى المزرعة يالا بقى يا بقرتى ياجميله عايز لبن كتير صحي ومفيد عشان خوخه ومشمشه بيحبوه جدا وانتى يا فرخه يا جميله عايز بيض كتير عشان يقوى عظامهم ويقوى أسنانهم ويكون ليهم عضلات قويه جدا   .

وبعد ما  جدو (علي) خلص كلام مع الحيوانات ،دخل البيت وكان تعبان جدا من شغل طول اليوم في المزرعة ولسه هينام ،شاف الفار بندق ،بيجرى ويطنط في الاوضه وكان لابس على رأسه شراب "ا اتخض جدو على واستغرب "، وقال ايه ده/ ايه الفار الغريب ده/ده فار كبير اوى كده ليه جه منين ده لا مينفعش انا لازم اتخلص من الفار ده بسرعة قبل ما يجوا خوخه ومشمه وهما بيخافوا من الفران جدا جدا.

فقرر جدو علي أنه يشترى قط سمين و سماه قطاقيطو ،عشان يصطاد الفار بندق الغريب لص الشربات.

وللاسف يا اصحابى ياصغننين معرفش القط قطاقيطو ان يلاقى الفار بندق لانه كان فار ذكي جدا جدا.

وقالوا جدو (على) لا ياقطاقيطو انا زعلان جدا خوخه ومشمشه احفادى فاضل يومين ويجوا وانت لسه مش عارف تلاقيه مينفعش كدا انا اشتريتك بفلوس كتير جدا عشان اكدولى انك انت الوحيد الشاطر فى صيد الفران.

وبعد يومين (هيههههههه هيهههههه) وصلوا خوخه ومشمشه مع باباهم لمزرعة جدو على وكانوا فرحانين جدا واستقبلهم جدو على

 اخيرا وصلتوا ياحبايبي

جدو حبيبى وحشتنا اوووى يا جدو و المزرعة والحيوانات كلها وحشتنا.

وانتم كمان ياحبايبى وحشتوني اووى اووى شكلكم مرهقين يا بنات من الطريق يلا ندخل البيت عشان تفطروا وتريحوا شويه ونتفسح بعد كده فى المزرعه.

فعلا ياجدو

ودخلوا البيت وغيروا هدومهم و فطروا مع جدو على وبعد ما خلصوا قالولوا

يلا ياجدو عايزين بقى نتفسح احنا وحشنا المزرعه جدا وعايزين نجري ونلعب.

وفعلا جدو على سمع كلامهم و خرجوا للمزرعة ولعبوا مع البقره سمسمه والارنب ارنوب والخىو السمين والديك الاحمر  وفضلوا يجروا ويطنطوا لحد ما تعبوا  من اللعب وقالوا لجدهم 

خلاص يا جدوا احنا تعبنا النهارده وحاسين ان احنا عايزين ننام وبكره الصبح تفسحنا فى المزرعة تاني 

حاضر يا حبايبى يلا بينا

ودخلوا اوضتهم وكل واحده قعدت تلعب بلعبتها لحد ما سمعت خوخة صوت من تحت السرير فخافت خوخه جدا و اترعبيت جدا من الخوف.

  

ونزلت مشمشه عشان تعرف ايه الصوت ده، ف شافت الفار بندق واتخض هو كمان وهرب و مشمشه صوتت بصوت عالى وقعدوا يعيطوا وجريوا بسرعة على جدو على.

الحقنا ياجدوا الحقنا

مالكم يا حبايبى فى ايه بتعيطو كدا ليه

اوضتنا فيها فار كبير جدا ياجدو واحنا خايفين اوى.

فخرج بسرعه جدو على يجيب المصيده عشان يصطاد الفار بندق وحط فيه فول سوداني.

فقالت له  (مشمشه): " ايه ده يا جدو انت بتحط ليه فول سوداني للفار بدل الجبنه الرومي.

 

رد  جدو على وقالها: " عشان يا حبيبتي الفران بتحب الفول السودانى وهو اكلهم المفضل.

وفعلا شم الفار بندق ريحة الفول السوداني وقرب من المصيدة ، ولسه هياكل حس ان دى حيله لانه ذكى جدا ففكر يحط شراب جدو (على) على عصاية طويله وحشره في المصيدة عشان يعرفهم بأنه اكتشف الحيلة.

والصبح، راح الجد ومشمشه وخوخه عشان يشوفوا المصيدة اللى اصطدت الفار واتصدموا لاما لقوا الشراب متعلق على المصيده و خافوا البنات فقال لهم جدهم.

متقلقوش يا بنات النهارده اخر يوم للفار ده لاأنا لهوا فى البيت

ووعدهما انه هيقضى عليه.

واضايق جدو على  جدا من الفار بندق بعد ما اتسبب انه بقى يلبس جزمته من غير شرابات وكمان رعب احفاده فقرر أن يعلن الحرب النباتية على الفار بندق.

و حضر جدو على نعناع نفاذ 

 وسألته مشمشه ايه يا جدو النعناع ده 

رد عليها وقالها يا مشمشه يا حبيبتى الفران بتكره ريحة النعناع جدا وكمان يا بنات مع بخاخة ميه فيها فلفل اسود، هنقضي عليه خالص".

هيههههههههههه هيهههههههه: "يلا بينا ياجدو اعلن الحرب واحنا معاك كمان هنقضي على الفار الكبير 

يلا يا حبايب جدو طول ما احنا ايد واحده هنقدر عليه

و للاسف يا اصحابى الصغننين الخطه فشلت عشان الفار سمع كلامهم وبعد عن المكان اللى حطوا فيه رش النعنان بالفلفل الاسود.

وقالت خوخه لجدو على : ايه النبات الغريب دى يا جدو 

دى خطه جديده و اكيده يا حبايبى  دى نبته اسمها "صائدة الذباب"، وكمان يا بنات بتتغذى على الفران والضفادع والسحالي، وان شاء الله المره دى مش هيقدر  ينجا منها الفار المشاكس ده

وهما قاعدين فى البلكونه سمعوا صوت صرخة عاليه فرحوا جدااا

هييييييبيييييييييه الفار وقع اخيرا فى الفخ لقد 

فعلناها ياجدو و انتصرنا عليه.

بس للاسف يا اصحابى الفرحه مطولتش كتير عشان النبته اصطادت ديل القط قطاقيطو وقعد يعيط و يتوجع ومره واحده شاف جدو على الفار واقف وعمال يطنطط ويضحك على القط قطاقيطو وبسرعه جدو على  رمى عليه الشبكه بتاعته وحبسه فيها  واخيرا يا اصحابى اتخلصوا من الفار المشاكس سارق الشربات.

وتوته توته خلصت الحدوته يا اطفالنا يا حلويين يارب تكون عجبتكم متنسوش تشتركم فى قناتنا كتاكيت عالم الاطفال و تدوسوا على اللايك ام صباع لفوق.

👇👇الحدوتة بالفيديو من القناة👇👇

تنبيه هام

جميع الحقوق محفوظة لقناة كتاكيت عالم الاطفال ولانسمح بأستخدام القصص غير القرأة فقط