حدوتة
الاسد المغرور و الفار بندق
كان ياما كان في غابة كبيره وجميلة كان بيعيش فيها الأسد ملك الغابة و الفار بندق مع جميع الحيوانات الأخرى. وكان الجو حر جدا و الأسد قاعد فى عرينه بيستريح بعد رحلة صيده.
نام الأسد نوم عميق جدا و الفار بندق قرب من عرين الأسد وبدأ يلعب وصوته بقي عالى جدا وبقي فى كثير من الضوضاء وهو بيلعب و فجأة انزعج الأسد من الصوت العالي وقلق من النوم العميق.
كان الفار خايف جدا لاما مسكه الأسد وبقى يعيط ويطلب من الأسد أن يسيبه وقاله انه هيساعده فى اى شئ يطلبه منه وفي اى وقت هيحتاجه.
بص الأسد بتكبر إلى الفار وفكر وقاله :
انت يا فار هتقدر تساعدني انا (ملك الغابه) انت مش عارف انت بتقول ايه بص شوف نفسك و حجمك يا فار وابقى اتكلم مع ملك الغابه بعدها ومشى الاسد وهو بيضحك بستهزاء وقال للفار يلا امشي من هنا ومتجيش تلعب هنا تاتي خالص.
وفى يوم من الايام علق الصياد الشبكة بتاعته قريب من البحر زى كل يوم علشات تصطادله اى حيوان وللاسف كان الاسد جعان و رايح يصطاد و الشبكة اصطادته.
و الأسد كان خايف جدا و فضل يحاول يخرج من الفخ وقعد يزأر بغضب، سمعه الفار بندق وهو بيعدى الطريق زأير الاسد وصراخه من الألم ووجد الأسد واقع في الفخ والشبكة مغطيه جسم الاسد كله.
جرى الفار بسرعة و لاقي الأسد فى الشبكة وبدأ يقرقيض الشبكة بأسنانه الحادة. وبسرعة خرج الأسد من الشبكة وأخذ نفسًا مريحًا.
وشكر الفار بندق وعرض عليه انهم يكونوا اصدقاء فرح الفار جدااااا.
العبرة من القصة يا اصحابنا الحلويين هي ان كل شخص عنده مهاراته ومواهبه الخاصة. لا تقلل من شأن أي شخص ابدااااا.
توتة توتة خلصت الحدوتة حلوه يا اطفالنا الحلوين و لا ملتوته 😆🤗
الي اللقاء انتظرونا في حدوتة جديده مكتوبه
ولوحابين تتابعوا قصصنا فيديوهات بالرسوم المتحركة تعالوا على👇👇👇👇
قناتنا على اليوتيوب كتاكيت عالم الاطفال
